Festa da San Martiño na parroquia de Figueiró, os días 13 e 14 de novembro do 2009

Os veciños do barrio LAGO de Figueiró, e a Comisión de Festas de San Martiño 2009 presidida por D. Miguel Pereira González, convídaos a disfrutar destos festexos na fermosa Parroquia de FIGUEIRÓ.

A A.V.V. "Fonte dos Carreiros" na Feira de Sao Pedro, no Monte do Calvario en Gondarem

Os "Sons do Románico" en Figueiró - Actuacións de Corais Polifónicas no Santuario de San campio

A Concellaría de Cultura, Educación e Participación Veciñal do Concello de Tomiño, que preside o tenente de alcalde, Jesús Castiñeira, vén de presentar a súa programación cultural para este mes de xuño, na que o prato forte residirá nas actuacións das corais polifónicas, no marco do Santuario de San Campio de Lonxe, en Figueiró.

Deste xeito, todos os domingos de xuño, a partir das cinco e media da tarde, tras rematar a misa do peregrino, terán lugar, na Igrexa do Santuario de San Campio, actuacións:

-O día 7 abrirá a quenda a propia «Coral Polifónica de Tomiño».
-O día 14 actuará o coro «O Noso Lar», de Vilagarcía.
-O día 21 tocaralle a vez á «Camerata Ad Libitum».
-E o día 28 pechará o ciclo o «Coro Clásico de Vigo».

Colaboran a Administración do Santuario de San Campio de Lonxe, na figura de seu párroco, D. José Luis Portela Trigo, a Federación de Veciños Terra Miño, a Coral Polifónica de Tomiño, d Asociación de Veciños Fonte dos Carreiros de Figueiró, a Asociación de Veciños de Amorín, a Escola Municipal de Teatro e o programa Espazos Sonoros da Xunta de Galicia.

VII Edición da "FESTA DA ORELLA" - Figueiró 2009

Este domingo 12 de abril vaise celebrar en Figueiró (Tomiño) a "7ª FESTA DA ORELLA". A partir das 10 da mañá, e durante todo o día, servirase orella á feira e con vinagreta, receita que tivo enorme aceptación na pasada edición, así como chourizos fritos e a prancha. A ración inclúe prato conmemorativo e os prezos serán populares. Tamén contamos con bos viños da comarca.
Como en anos anteriores a festa será na Praza do Telleiro, acondicionada para ocasión cunha magnífica carpa, ademáis de mesas, bancos, etc. onde degustar comodamente este saboroso prato da nosa gastronomía. A carpa estará xa aberta dende o sábado a tardiña e funcinará como cantina ata a medianoite.
A FESTA DA ORELLA está organizada pola Comisión de festas de S.Campio 2009 e colabora, ademáis de casas comercias e particulares; a Concellalía de Cultura, Educación e Participación veciñal do Concello de Tomiño, que nós prestou toda a súa colaboración e a que lle estamos gratamente agradecidas.

Campionato de tiro ao prato en Figueiró

Hoxe xoves día 19 de marzo, tivo lugar o primeiro día do Campionato de tiro o prato, na modalidade de percorrido de caza, no campo das Fonteiriñas de Figueiró; organizado pola Comisión de Festas de San Campio 2009.

O campionato continuará mañán venres día 20 e o sábado día 21 con adestramentos, haberá premios para os tres mellores clasificados; e rematará o domingo día 22 coa tirada oficial con fabulosos premios e trofeos especiais para as damas.

En este evento colabora a Concellalía de Deporte e Lecer do Concello de Tomiño.

Figueiró estará nas III Xornadas sobre a represión antifranquista do Baixo Miño "Memoria e Nación"

Este mércores día 26 de Novembro no Centro Recreativo e Cultural de Figueiró ás 20,30 horas, dentro das III Xornadas sobre a represión antifranquista do Baixo Miño "Memoria e Nación", terá lugar unha conferencia titulada "Isaura: unha vida solidaria" que será impartida por Natalia Jorge e presentada polo fillo de "Isaura", Mario Rodríguez Gómez.
Esta muller "Isaura", veciña de Figueiró, ten "a súa historia" e pode lerse nesta páxina de internet, no apartado "Xentes de Figueiró" e baixo o título "Unha muller loitadora-Dona Isaura Goméz Pérez".

O Circuito Cultural do Concello de Tomiño chega a Figueiró

O vindeiro domingo día 29 de Xuño ás 7 da tarde, o Circuito Cultural patrocinado pola Concellalía de Cultura, Educación e Participación Veciñal do Concello de Tomiño chega a parroquia de Figueiró.
A Asociación Centro Recreativo e Cutural de Figueiró será a encargada da organización deste evento cultural.
O grupo actuante ten o nome de “DJAMMAL” e representa un Espectáculo de Danza, Teatro e Circo con acrobacias, interacción có público e malabares.
É unha actuación para tódolos públicos, que terá lugar na Praza do Telleiro de Figueiró (se non chove e, si isto acontecera, ésta levaríase ó Centro Cultural).

Recollida de reclamamacións ao inventario de camiños en Tomiño

Este xoves, día 17 de abril, en horario de 10 a 13.30 e de 16 a 19.30h os técnicos contratados polo Concello, atenderán aos veciños de Figueiró no Centro Cultural.

Reunión informativa do goberno municipal en Figueiró

Figueiró, venres día 14 de marzo ás 20.30 horas, no Centro Recreativo e Cultural.

O goberno promove a revisión do actual inventario de camiños municipais
O goberno municipal de Tomiño celebrará unha serie de reunións informativas nas diferentes parroquias da localidade, co fin de proceder á revisión do actual inventario de camiños municipais.
O anterior goberno aprobou, no ano 2005, un inventario de camiños que contén numerosos erros e incorreccións, que están a producir moitos problemas para a concesión de licenzas.
Por todo isto, o goberno actual vén de abrir un proceso de revisión coa finalidade de subsanar os mencionados erros e promover unha maior participación cidadá e transparencia no proceso.
En primeiro lugar, celebraranse reunións informativas nas parroquias, quedando exposto durante 15 días o actual inventario co fin de que os veciños/as fagan as alegacións que consideren oportunas. Ademais, un técnico recollerá ditas alegacións que se incorporarán logo ao inventario. Este inventario, coas correccións será exposto novamente para comprobar que é correcto, antes da súa aprobación.
A medida, permitirá corrixir erros e omisións na representación dos camiños da vila, aínda que non vai supoñer que se abran novas vías.